Talu’ch bil Treth Etifeddiant
Trosolwg
Mae’n rhaid i chi dalu Treth Etifeddiant erbyn diwedd y chweched mis ar ôl i’r person farw. Er enghraifft, os bu farw’r person ym mis Ionawr, bydd yn rhaid i chi dalu Treth Etifeddiant erbyn 31 Gorffennaf.
Mae yna ddyddiadau dyledus gwahanol os ydych yn gwneud taliadau ar ymddiriedolaeth.
Bydd Cyllid a Thollau EF (CThEF) yn codi llog arnoch (yn agor tudalen Saesneg) os nad ydych yn talu erbyn y dyddiad dyledus.
Mae’r canllaw hwn hefyd ar gael yn Saesneg.
Sut i dalu
Bydd angen i chi gael cyfeirnod talu cyn y gallwch dalu’ch bil Treth Etifeddiant.
Talu o’ch cyfrif banc
Gallwch dalu o’ch cyfrif banc eich hun neu o gyfrif ar y cyd â’r ymadawedig.
Gallwch dalu ar-lein drwy’r dulliau canlynol:
- cymeradwyo gan ddefnyddio’ch cyfrif banc
- trosglwyddiad banc
Gallwch hefyd dalu drwy’r dulliau canlynol:
Gallwch hawlio’r arian yn ôl o ystâd yr ymadawedig neu o’r buddiolwyr unwaith y byddwch yn cael ‘grant cynrychiolaeth’ (a elwir hefyd yn ‘brofiant’). Gelwir hyn yn ‘confirmation’ yn yr Alban (yn agor tudalen Saesneg).
Talu o gyfrifon yr oedd yr ymadawedig yn berchen arnynt
Gallwch dalu drwy ddefnyddio:
- cyfrifon banc yr ymadawedig - gan gynnwys cyfrifon Cynilion a Buddsoddiadau Cenedlaethol (NS&I)
- stociau llywodraeth yr ymadawedig
Os nad ydych yn gwybod faint i dalu
Gallwch wneud taliadau cyn eich bod yn gwybod yr union swm o Dreth Etifeddiant sydd ar ystâd yr ymadawedig. Gelwir y rhain yn ‘taliadau ar gyfrif’.
Gwirio bod eich taliad wedi dod i law
Nid yw CThEF yn anfon derbynebau ar gyfer pob taliad a wnewch. Byddant yn ysgrifennu atoch i roi gwybod i chi pan fyddwch wedi talu’r holl Dreth Etifeddiant a’r llog sydd arnoch.
Os ydych wedi talu drwy’ch banc neu’ch cymdeithas adeiladu eich hun, gwiriwch eich cyfriflen er mwyn cadarnhau bod y taliad wedi gadael eich cyfrif.