Hunanasesiad Ar-lein ar gyfer Unigolion

Croeso i wasanaeth Hunanasesiad (SA) Ar-lein Cyllid a Thollau EM ar gyfer Unigolion. Mae'r broses mewn dwy ran, sef Cofrestru/Ymrestru a Defnyddio'r Gwasanaeth.

Cofrestru/Ymrestru

Cyn i chi gychwyn, sicrhewch fod y ddwy elfen ganlynol wrth law:

  1. Eich Cyfeirnod Unigryw y Trethdalwr (UTR)
  2. Eich Rhif Yswiriant Gwladol (NINO)

Mae'r rhain i'w gweld ar ohebiaeth Hunanasesiad fel arfer, ond cysylltwch â'r Ganolfan Gyswllt Cymraeg* os oes angen cymorth arnoch i ddod o hyd iddynt.

  • Er mwyn cofrestru/ymrestru ar gyfer ein gwasanaeth Hunanasesiad Ar-lein yn y Gymraeg, ewch i hafan gwasanaethau ar-lein CThEM a chliciwch ar y botwm cofrestru ar ochr dde'r dudalen.
  • Ar y dudalen Defnyddiwr Newydd, cliciwch ar 'Cymraeg' ger y brig. Yna, dilynwch y llwybr Unigolyn/Sefydliad/Asiant fel bo'n briodol.
  • Ar ôl i chi gofrestru ac ymrestru, a chael cadarnhad o'ch Dynodydd Defnyddiwr, bydd angen i chi aros i dderbyn eich Cod Cychwyn trwy'r post. (Sylwer - gall hyn gymryd hyd at 10 diwrnod.)
  • Ar ôl derbyn eich Cod Cychwyn ewch nôl i hafan gwasanaethau ar-lein CThEM, nodwch eich Dynodydd Defnyddiwr a'ch Cyfrinair ar ochr chwith y dudalen ac yna cliciwch ar y botwm mewngofnodi.
  • Ar y dudalen sy'n rhestru eich gwasanaethau CThEM, defnyddiwch y cysylltiad i gychwyn y gwasanaeth Hunanasesiad ac yna nodwch eich Cod Cychwyn yn y blwch priodol. Yna, gallwch ddechrau defnyddio'r gwasanaeth er mwyn cyflwyno eich Ffurflen Dreth ar-lein.

Os oes Dynodydd Defnyddiwr a Chyfrinair dilys gennych eisoes (o flynyddoedd cynt) nid oes angen i chi fynd trwy'r broses o gofrestru/ymrestru eto, a gallwch fynd yn syth i ddefnyddio'r gwasanaeth cyfredol.

Defnyddio'r Gwasanaeth

Ar ôl i chi gofrestru/ymrestru, gallwch ddechrau defnyddio’r gwasanaeth Cymraeg. Dyma'r llwybr y dylech ei ddilyn:

  • Ar y dudalen 'Welcome to HMRC Online services', rhowch eich Dynodydd Defnyddiwr a'ch Cyfrinair yn y blychau perthnasol, a chliciwch ar 'Login'. Neu, fel arall, gallwch ddefnyddio eich Tystysgrif Ddigidol os oes un gennych.
  • Ar y dudalen 'Your HMRC services', defnyddiwch y cysylltiad 'SA (Self Assessment)'.
  • Ar y dudalen 'At a glance', defnyddiwch y cysylltiad 'File a return' o dan y pennawd 'File a return for 2010-11'.
  • Ar y dudalen '1. Welcome', defnyddiwch y cysylltiad 'Cymraeg' ar frig y dudalen.
  • Ar y dudalen '1. Croeso' - a thudalennau dilynol - byddwch yn gallu cyfathrebu â ni trwy gyfrwng y Gymraeg.

Defnyddiwch y cysylltiad i gychwyn ar y llwybr.

Cymorth

*Am gymorth trwy gyfrwng y Gymraeg, cysylltwch â'r Ganolfan Gyswllt Gymraeg ar 0845 302 1489 (8.30am - 5pm o ddydd Llun tan ddydd Gwener).

Neu, cliciwch yma am gymorth trwy gyfrwng y Saesneg

Pwysig! Peidiwch â defnyddio llafariaid acennog wrth deipio yn y ffurflenni ar-lein. Diolch.