Cyflogwyr Newydd Sydd Angen Trefniadau Arbennig

Cyfarwyddwyr, partneriaid neu gyflogeion niferus

Gall ein cyfleuster e-bost ond derbyn manylion am nifer penodol o gyfarwyddwyr, partneriaid neu gyflogeion. Gallwch weld yr uchafsymiau yr ydym yn medru eu derbyn wedi eu rhestru isod. Os ydych angen ein hysbysu o ragor o fanylion na mae ein cyfleuster e-bost yn medru derbyn, yna ffoniwch y Ganolfan Gyswllt Gymraeg ar 0845 302 1489.
Cynlluniau Didynnu Wedi ei Symleiddio – gall ein cyfleuster e-bost dderbyn manylion uchafswm o 10 cyflogai.

Cwmnïau Cyfyngedig – gall ein cyfleuster e-bost dderbyn manylion uchafswm o 9 cyfarwyddwr.

Partneriaethau – gall ein cyfleuster e-bost dderbyn manylion uchafswm o 10 partner.

Cyflogwyr newydd eraill sydd angen trefniadau arbennig

Mae yna ychydig fathau o gyflogwyr na all anfon eu manylion drwy ein cyfleuster e-bost na dros y ffôn. Bydd rhaid i’r cyflogwyr canlynol gofrestru fel cyflogwyr newydd mewn swyddfa leol Cyllid & Thollau EM gan eu bod angen sylw arbennig.

Deddf Diogelu Cyflogaeth

Mae hwn er mwyn cofnodi treth TWE ac Yswiriant Gwladol sy’n ddyledus ar enillion a delir i gyflogeion cwmnïau mewn derbynyddiad, er enghraifft

Tâl gwyliau
Ôl-ddyledion o dâl yn deillio o gyn i’r derbynyddiad gymryd lle

Mae’r Derbynnydd yn gyfrifol am ddidynnu treth a chyfraniadau Yswiriant Gwladol o’r taliadau hyn a thalu'r didyniadau i Gyllid & Thollau EM.

Protocol Alltraeth

Hyn yw pan mae cyflogwr yn breswyl mewn gwlad sydd ag erthygl alltraeth yn eu Cytuniad Trethiant Dwbl gyda’r DU. Er enghraifft: Cyflogeion yn gweithio ar osodiadau olew alltraeth.

Mae’r cyflogwr yn gweithredu system arbennig o ddidynnu treth DU gan ddefnyddio tablau treth wedi eu symleiddio a datgagniad Diwedd y Flwyddyn.

Os ydych yn credu fod hyn yn berthnasol i chi, ffoniwch y Ganolfan Gyswllt Gymraeg ar 0845 302 1489.

Taliadau uniongyrchol TWE – Treth yn unig

Dyma pan mae gweithdrefnau arferol TWE yn anaddas ac mae cyflogeion yn didynnu treth yn unig dros eu hunain ac yn gyfrifol am dalu'r dreth a didynnwyd i Gyllid & Thollau EM.

Er enghraifft:

Offeiriaid yr Eglwys Babyddol
Clerigwyr yr Eglwys Wyddelig
Swyddogion sydd â’u henillion yn cynnwys yn bennaf ffioedd a delir gan y cyhoedd, er enghraifft, Cofrestryddion

Os ydych yn credu fod hyn yn berthnasol i chi ffoniwch eich swyddfa Cyllid & Thollau EM leol. Cewch hyd i’r rhif yn eich llyfr ffôn.

Taliadau Uniongyrchol TWE – Treth a chyfraniadau Yswiriant Gwladol

Dyma pryd mae gweithdrefnau arferol TWE yn anaddas ac mae cyflogeion yn didynnu treth a chyfran cyflogeion o gyfraniadau Yswiriant Gwladol dros eu hunain.

Er enghraifft:

Offeiriaid yr Eglwys Babyddol
Clerigwyr yr Eglwys Wyddelig
Swyddogion sydd â’u henillion yn cynnwys yn bennaf ffioedd a delir gan y cyhoedd, er enghraifft, Cofrestryddion
Rhai cyflogeion o lywodraethau tramor a’r Gymanwlad, er enghraifft , gyrrwr Prydeinig sy’n gweithio i lysgenhadaeth dramor
Unigolion sy’n ofynnol arnynt i dalu eu Hyswiriant Gwladol eu hunain. Mae'r rhain yn cynnwys cyflogeion llysgenhadaeth dramor neu swyddfa is-gennad sy’n gwrthod gweithredu TWE, neu gyflogwr o dramor sydd heb gyfeiriad yn y DU o ble mae enillion yn cael eu talu.

Y cyflogai sy’n gyfrifol am dalu’r didyniadau i Gyllid & Thollau EM.

Os ydych yn credu fod hyn yn berthnasol i chi ffoniwch eich swyddfa Cyllid & Thollau EM leol. Cewch hyd i’r rhif yn eich llyfr ffôn.

Cynllun Rhannu Elw

Dyma pan mae ymddiriedolwyr o Gynllun Rhannu Elw yn gwneud taliad ar ran cyflogwr mewn perthynas â chyfandaliadau a roddir gan y cyflogwr hwnnw i’w gyflogeion, ac nid yw’r cyfranddalwyr derbyniol yn:

gyflogeion o’r cyflogwr hwnnw, na’n
bensiynwyr yn derbyn pensiwn galwedigaethol oddi wrth y cyflogwr hwnnw

Mae angen i’r ymddiriedolwyr ddidynnu treth o’r taliadau hyn o dan TWE gan ddefnyddio cod BR.

Os ydych yn credu fod hyn yn berthnasol i chi ffoniwch eich swyddfa Cyllid & Thollau EM leol. Cewch hyd i’r rhif yn eich llyfr ffôn.

Cyfrifoldebau Tâl Salwch

Dyma pan mae trydydd parti yn gyfrifol am dalu tâl salwch i gyflogeion mwy nag un cyflogwr, er enghraifft, cwmni yswiriant.
Os ydych yn credu fod hyn yn berthnasol i chi ffoniwch eich swyddfa Cyllid & Thollau EM leol. Cewch hyd i’r rhif yn eich llyfr ffôn.

Cynllun Gwobr Drethedig

Dyma pan mae darparwyr gwobrau cymhelliant wedi cytuno i drefniadau cyfrifo arbennig ar gyfer talu'r rhwymedigaeth treth cyfradd sylfaenol ar wobrau nad yw’n arian a wneir i gyflogeion eu hunain neu rai rhywun arall.

Mae hyn golygu fod y darparwr yn talu’r dreth cyfradd sylfaenol, yn hytrach na’r person sy’n derbyn y wobr.

Os ydych yn credu fod hyn yn berthnasol i chi ffoniwch yr Uned Gwobr Cymhellol Cyllid & Thollau EM ar rif ffôn 0161 261 3269 (neu’r Ganolfan Gyswllt Gymraeg ar 0845 302 1489).