Anfonwch Fanylion Cyflogwr Newydd Drwy E-bost

Cewch gofrestru hyd at bedair wythnos cyn eich diwrnod tâl cyntaf. Gallwch anfon eich manylion drwy e-bost oni bai eich bod yn un o’r ychydig rai o Gyflogwyr Newydd sydd angen trefniadau arbennig.

Mae’n bwysig iawn bod gennych yr holl wybodaeth berthnasol cyn cychwyn llenwi eich e-bost, gan na allwch gadw’r manylion unwaith yr ydych wedi cychwyn, a dychwelyd iddo rhywbryd eto.

Unwaith yr ydych wedi casglu eich manylion at eich gilydd bydd rhaid i chi ddewis yr opsiwn e-bost perthnasol o’r rhestr isod. Edrychwch ar y diffiniadau canlynol i’ch cynorthwyo i wneud y dewis cywir.

Cwmni Cyfyngedig

Cwmni cyfyngedig yw un sydd â’i gyfranddalwyr yn berchen arno, ond gydag atebolrwydd cyfyngedig am ddyledion y cwmni.

Partneriaeth

Mae partneriaeth yn cyfeirio at y berthynas rhwng dau neu fwy o bobl sy’n rhedeg ac yn berchen busnes ar y cyd, ac yn rhannu ei elw a’i golledion.

Cynlluniau Didyniadau Wedi ei Symleiddio

Defnyddir Cynllun Didynnu wedi ei Symleiddio ar gyfer cyflogwyr o gyflogeion personol neu ddomestig yng nghartref y cyflogwr. Mae hwn ond yn berthnasol i cyflogeion sydd â’u henillion yn disgyn o fewn rhai terfynau. Am ragor o wybodaeth gweler ffurflen P25 Nodiadau ynglyn â Chynlluniau Didyniadau Wedi Ei Symleiddio.

Hunan Fasnachwr

Busnes hunan fasnachwr yw un sydd ag un person yn berchen arno ac yn ei redeg.

Er enghraifft

Busnesau sydd wedi’u perchen a’u rhedeg gan un person
Contractwyr/isgontractwyr
Mudiad a redir gan bwyllgor megis Clwb Gweithwyr neu Gyngor Plwyf
Elusennau

Dewiswch o’r opsiynau e-bost canlynol:

Gan e-bostio o safle Cyllid & Thollau EM mae eich e-bost yn fwy diogel, ond ni fydd ein hymateb. Golyga hyn na fydd ein hymateb e-bost yn cynnwys gwybodaeth gyfrinachol. Os oes angen, anfonwn e-bost atoch i esbonio ein bod am ymateb yn llawn drwy lythyr neu dros y ffôn.