Treth Gorfforaeth Ar-lein: Cyflwyniad
Croeso i wasanaeth Treth Gorfforaeth Ar-lein Cyllid & Thollau EM. Mae’r broses mewn dwy ran:
i) Cofrestru;
ii) Cyflwyno’r Ffurflen.
Cofrestru
Mae’n ddrwg gennym, ond nid yw’n bosib cofrestru trwy gyfrwng y Gymraeg ar hyn o bryd. Defnyddiwch y cysylltiad, a dilynwch y cyfarwyddiadau ar y sgrîn, i gofrestru trwy gyfrwng y Saesneg.
Cyflwyno’r Ffurflen
Ar ôl cofrestru, a chychwyn eich cyfrinair, dylech ddychwelyd i’r safle hwn er mwyn cyflwyno’r ffurflen yn y Gymraeg.
Nodweddion Allweddol
- Mae'r ffurflen ei hun yn eich arwain trwy'r broses. Os oes angen mwy o gymorth arnoch, gweler y cysylltiad isod.
- Mae’n edrych ac yn teimlo yn union fel Ffurflen Dreth Gorfforaeth bapur Cyllid & Thollau EM, ac mae’r tudalennau atodol A, C, E a J wedi'u cynnwys.
- Llywio cyflym syml.
- Does dim angen ei chwblhau pan fyddwch ar-lein, a gallwch gadw eich ffurflen a gwblhawyd yn rhannol unrhyw bryd.
- Mae'r ffurflen yn gwirio eich gwybodaeth wrth iddi gael ei nodi, ac mae nifer o’r cyfrifiadau'n cael eu gwneud yn awtomatig wrth i chi nodi'r data.
Pedwar cam syml
1. Dadlwytho. Cysylltwch â'r Rhyngrwyd, a dadlwythwch
y ffurflen CT600 o'r wefan hon i'ch cyfrifiadur (gweler y cysylltiad isod).
2. Cwblhau’r ffurflen. Gallwch wneud hyn tra nad ydych
wedi'ch cysylltu â'r Rhyngrwyd. Bydd angen ‘Adobe Acrobat Reader
7.0’ (neu fersiwn diweddarach) arnoch i ddefnyddio'r ffurflen. Os nad
yw'r meddalwedd hwn gennych, defnyddiwch
y cysylltiad i’w ddadlwytho yn rhad ac am ddim.
3. Cyfrifo. Tra eich bod all-lein o hyd, bydd y ffurflen
yn gwirio ac yn cyfrifo eich Ffurflen Dreth Gorfforaeth.
4. Cyflwyno’r ffurflen. Cysylltwch â'r Rhyngrwyd,
a chyflwynwch eich ffurflen i Gyllid & Thollau EM. Byddwn yn anfon cydnabyddiaeth
atoch trwy e-bost, sy'n nodi a yw eich Ffurflen Dreth Gorfforaeth wedi cael
ei derbyn neu ei gwrthod.
Dadlwytho
Dadlwythwch y Ffurflen Dreth Gorfforaeth Gymraeg gyfredol. (Bydd y cysylltiad hwn yn agor tudalen o fewn ffenestr porwr newydd ar wefan nad yw’n perthyn i Lywodraeth y DU.) Dilynwch y cyfarwyddiadau i’w gosod a’i defnyddio.